హుజురాబాద్ డివిజన్‌కు నూతన డిప్యూటీ డీఎంహెచ్‌ఓ

డా. గొట్టే శ్రవణ్ కుమార్ బాధ్యతలు స్వీకారం

హుజురాబాద్ టౌన్ ఏప్రిల్ 01 (తెలంగాణ ముచ్చట్లు):

హుజురాబాద్ డివిజన్ డిప్యూటీ జిల్లా వైద్య ఆరోగ్య అధికారిగా (డిప్యూటీ డీఎంహెచ్‌ఓ) ప్రముఖ వైద్యుడు డాక్టర్ గొట్టే శ్రవణ్ కుమార్ బాధ్యతలు స్వీకరించారు. ఇంతకుముందు శంకరపట్నం ప్రాథమిక ఆరోగ్య కేంద్రంలో వైద్యాధికారిగా సేవలందించిన ఆయన, ప్రజారోగ్య రంగంలో తన అనుభవంతో ఈ కీలక బాధ్యతలను చేపట్టారు.
ఈ సందర్భంగా డా. శ్రవణ్ కుమార్ మాట్లాడుతూ, హుజురాబాద్ డివిజన్‌లో ఆరోగ్య వ్యవస్థను మరింత బలోపేతం చేయడానికి కృషి చేస్తానని తెలిపారు. ప్రభుత్వ వైద్య సేవలు ప్రతి పేదవారికి సులభంగా అందేలా చర్యలు తీసుకుంటానని, ప్రజలకు నాణ్యమైన వైద్యసేవలు అందించడం తన ప్రధాన లక్ష్యమని పేర్కొన్నారు.
అంతేకాకుండా, గ్రామీణ ప్రాంతాల్లో ఆరోగ్య సేవలను మెరుగుపరచడం, ఆసుపత్రుల్లో మౌలిక సదుపాయాలను అభివృద్ధి చేయడం, ప్రజల్లో ఆరోగ్యంపై అవగాహన పెంచడం వంటి అంశాలపై ప్రత్యేక దృష్టి సారిస్తానని వెల్లడించారు. ఆయన నియామకంపై స్థానికులు, వైద్య సిబ్బంది హర్షం వ్యక్తం చేస్తున్నారు.