రైస్ మిల్లును సందర్శించిన జిల్లా కలెక్టర్

హన్మకొండ,తెలంగాణ ముచ్చట్లు: హనుమకొండ జిల్లా కమలాపూర్ మండలం మరిపెల్లిగూడెంలోని రైస్ మిల్లును జిల్లా కలెక్టర్ పి. ప్రావిణ్య గురువారం పరిశీలించారు. ఐకెపి ధాన్యం కొనుగోలు కేంద్రం ద్వారా మిల్లుకు చేరిన సన్న, దొడ్డు రకం ధాన్యంపై వివరాలను అడిగి తెలుసుకున్నారు.

మిల్లులో ధాన్యం వడగడుతున్న విధానాన్ని పరిశీలిస్తూ, ప్రాసెస్‌పై అధికారులతో చర్చించారు.
ధాన్యం కొనుగోలు, ప్రాసెసింగ్ ప్రక్రియలను సమీక్షించి, నాణ్యతను పెంపొందించేందుకు అవసరమైన సూచనలు చేయడం ఈ పరిశీలనలో భాగమైంది.ఈ సందర్శనలో డిసిఒ కొమరయ్య, సివిల్ సప్లై కార్పొరేషన్ మేనేజర్ మహేందర్‌తో పాటు ఇతర అధికారులు పాల్గొన్నారు.