శ్రీ చైతన్య కరికులం పాఠశాలలో దీపావళి వేడుకలు ఘనంగా.!

సత్తుపల్లి, అక్టోబర్ 17 (తెలంగాణ ముచ్చట్లు):

స్థానిక సత్తుపల్లి విద్యాలయం, శ్రీ చైతన్య కరికులం పాఠశాలలో దీపావళి వేడుకలను శుక్రవారం ఘనంగా నిర్వహించారు. పాఠశాల ఆవరణ మొత్తం రంగవల్లులు, దీపాలతో నిండిపోగా, విద్యార్థులు, ఉపాధ్యాయులు, సిబ్బంది అందరూ ఉత్సాహంగా పాల్గొన్నారు.

ప్రిన్సిపాల్ ఆర్. నాగరాజు మాట్లాడుతూ, దీపావళి చెడుపై మంచి గెలిచిన సంకేతం. ఈ పండుగ మన సంస్కృతి, సంప్రదాయాల ప్రతీక. పిల్లలు దీపావళి సారాన్ని తెలుసుకుని, పర్యావరణాన్ని కాపాడుతూ పటాకులు పేల్చేటప్పుడు జాగ్రత్తలు పాటించాలి. రసాయనాల వాడకాన్ని తగ్గించి పచ్చదనంతో పండుగ జరుపుకోవాలి అని సూచించారు.

కార్యక్రమంలో వైస్ ప్రిన్సిపాల్, డీన్, ఇన్‌చార్జ్, ఉపాధ్యాయులు పాల్గొని విద్యార్థులతో కలసి దీపాల కాంతుల్లో ఆనందాన్ని పంచుకున్నారు. పాఠశాల ప్రాంగణం పండుగ వాతావరణంలో మునిగిపోయింది. IMG-20251017-WA0024