ఉమ్మడి ఖమ్మం బ్యూరో చీఫ్ తెలంగాణ ముచ్చట్లు
చదువుతోనే సమాజంలో గౌరవం, స్థానం కలుగుతుందని అదనపు కలెక్టర్ డి. మధుసూదన్ నాయక్ తెలిపారు. సోమవారం అదనపు కలెక్టర్, స్థానిక టేకులపల్లి లోని ప్రభుత్వ గురుకుల బాలికల పాఠశాల సందర్శించి, విద్యార్థినులకు కల్పిస్తున్న వసతులను అడిగి తెలుసుకున్నారు. మెనూ గురించి అడిగి తెలుసుకున్నారు. గురుకులంలో గదులు పరిశీలించారు. ఎన్ని టాయిలెట్ బ్లాకులు ఉన్నవి అడిగి తెలుసుకున్నారు. స్టోర్ రూమ్ పరిశీలించి, వంట సామాగ్రి, కూరగాయలను తనిఖీ చేశారు. తాజా సరుకులు, కూరగాయలు వాడాలని అదనపు కలెక్టర్ అన్నారు. పరిశుభ్రతను పాటించాలని, ఆవరణలో నీరు నిల్వ కుండా చర్యలు తీసుకోవాలని ఆయన తెలిపారు.
Comments