ప్రతి స్త్రీ విముక్తికి విద్య కీలకం - గుండాల కృష్ణ 

 సావిత్రీబాయి పూలే 194వ జయంతిని కొనియాడిన మహిళా విద్యార్థినులు మరియు ఉపాధ్యాయులు

ఖమ్మం బ్యూరో , తెలంగాణ ముచ్చట్లు:

సమాజంలో స్త్రీకి విముక్తి కేవలం విద్య ద్వారానే లభిస్తుందని బలంగా నమ్మిన వ్యక్తి సావిత్రిబాయి పూలే అని యస్.బి.ఐ.టి. కళాశాల చైర్మన్ గుండాల కృష్ణ తెలిపారు. స్త్రీల అణిచివేతకు, సామాజిక మరియు ఆర్థిక స్వాతంత్య్ర్యం కోసం విద్య మాత్రమే పరిష్కారం చూపిస్తుందని కృష్ణ తెలిపారు. శుక్రవారం కళాశాల ఆవరణలో నిర్వహించిన సావిత్రిబాయి ఫూలే 194వ జయంతి సందర్భంగా నిర్వహించిన మహిళల సదస్సులో విద్యార్ధినులు మరియు ఉపాద్యాయులను ఉద్దేశించి ప్రసంగిస్తూ కేవలం మహిళలను చైతన్య పరచడమే కాక తను చదువుకోవడంతో పాటు, సొంతంగా స్కూల్ను స్థాపించి ఇతర మహిళలకు విద్యను అందుబాటులో ఉంచి ఆదర్శంగా నిలిచారని వారు తెలిపారు. దేశ మొదటి మహిళా ఉపాధ్యాయురాలు సావిత్రిబాయి పూలే ను గౌరవించుకోవడం యావత్ మహిళా సమాజాన్ని గౌరవించుకోవడమే అని కళాశాల సెక్రటరీ అండ్ కరస్పాండెంట్ డా॥ జి. ధాత్రి తెలిపారు. ఆనాటి సామాజిక రుగ్మతులకు వ్యతిరేకంగా పోరాడి నిబడటమే కాక స్టెఫెండ్లను అందించి మరీ విద్యను ప్రోత్సహించే వినూత్న విధానం చాలా మంది మహిళలను మొదటిసారిగా తరగతి గదుల్లోకి అడుగు పెట్టేలా ప్రోత్సహించింది అని వారు కొనియాడారు.
సావిత్రిబాయి పూలే కేవలం మహిళా సమజోధరణకి పరిమితం కాలేదని, బాల్య వివాహాలకు వ్యతిరేకంగా పోరాడి, వితంతు పునర్వివాహాలకు మద్దతు ఇచ్చాని కళాశాల వైస్ ఛైర్ పర్సన్ గుండాల కవిత తెలిపారు. ఈ సందర్భంగా కళాశాల యాజమాణ్యం మహిళా ఉపాధ్యాయులందరిని శాలువాతో సత్కరించారు.
ఈ కార్యక్రమంలో కళాశాల మహిళా అధ్యాపకులు, విద్యార్థినులతో పాటు కళాశాల అకడమిక్ డైరెక్టర్స్ గుండాల ప్రవీణ్ కుమార్, గంధం శ్రీనివాసరావు, డా॥ ఎ.వి.వి. శివ ప్రసాద్, డా॥ జె. రవీంద్రబాబు, డా॥ యన్. శ్రీనివాసరావు తదితరులు పాల్గొన్నారు.