వనపర్తి, ఆగస్టు18 (తెలంగాణ ముచ్చట్లు):
భారీ వర్షాలకు పెద్దమందడి మండలం వెల్టూరు చెరువు పూర్తిస్థాయిలో నిండి అలుగు పారుతుండడంతో రైతులు సంతోషం వ్యక్తం చేస్తున్నారు. సోమవారం ఉదయం చెరువు నిండి అలుగు పారుతుండడంతో ఉప్పరి రామచంద్రయ్య అనే రైతు చెరువు సందర్శించి... ఆనందం వ్యక్తం చేశారు. ఈ సందర్భంగా రైతు రామచంద్రయ్య మాట్లాడుతూ... రైతులు వెంటనే వ్యవసాయ పనుల ప్రారంభించి.. గత ఏడాది కంటే అధికంగా వరి పంటలు పండించాలని అన్నారు. యాసంగి పంటకు సరిపడే సాగునీరు పుష్కలంగా ఉన్నదని, రైతులు కాలువల పూడికతీతలు ప్రారంభించుకోవాలని అన్నారు. గ్రామంలో ఉన్న చెరువు పూర్తిస్థాయిలో నిండడంతో రామచంద్రయ్య తెలంగాణ ముచ్చట్ల దినపత్రికతో ముచ్చటిస్తూ తన ఆనందాన్ని పంచుకున్నారు.
Comments