పెద్దమందడి,ఫిబ్రవరి10(తెలంగాణ ముచ్చట్లు):
పెద్దమందడి అంగన్వాడీ టీచర్ చిట్టెమ్మ ఆకస్మిక మృతి వారి కుటుంబంలో తీరని లోటును మిగిల్చింది.నిరుపేద కుటుంబానికి చెందిన ఆమె మరణంతో కుటుంబ సభ్యులు దిక్కుతోచని పరిస్థితిలో ఉండగా, అంబేడ్కర్ యూత్ అసోసియేషన్ సభ్యులు మానవత్వంతో ముందుకొచ్చి ఆదర్శంగా నిలిచారు.ఈ సందర్భంగా యూత్ అసోసియేషన్ సభ్యులంతా కలిసి తమ వంతు సహాయంగా రూ. 20,000/-(ఇరవై వేల రూపాయలు) నగదును సేకరించి, బాధిత కుటుంబ సభ్యులకు అందజేశారు.కష్టకాలంలో ఉన్న కుటుంబానికి అండగా నిలవడమే తమ ప్రధాన లక్ష్యమని అసోసియేషన్ సభ్యులు తెలిపారు.అంబేడ్కర్ ఆశయాలను స్ఫూర్తిగా తీసుకొని సామాజిక సేవలో ముందుండటం తమ బాధ్యతగా భావిస్తున్నామని, అవసరంలో ఉన్నవారిని ఆదుకునేందుకు ఎప్పుడూ సిద్ధంగా ఉంటామని వారు పేర్కొన్నారు. ఈ సేవా కార్యక్రమాన్ని గ్రామస్తులు, గ్రామ పెద్దలు హర్షిస్తూ అభినందించారు.
Comments