వనపర్తి జిల్లా ప్రతిని తెలంగాణ ముచ్చట్లు:
ఎడతెరిపి లేకుండా కురుస్తున్న వర్షాలకు పెద్దమందడి మండలం వెల్టూర్ గ్రామంలోని ప్రధాన రహదారి పై పూర్తిగా వరద నీరు చేరింది. దాదాపు మోకాళ్ళ లోతు వరద నీరు చేరడంతో ప్రజలు తీవ్ర ఇబ్బందులు ఎదుర్కొంటున్నారు. మరో రెండు రోజులు భారీ వర్షాలు కురిసే అవకాశం ఉన్నందున వరద నీరు మరింత పెరిగే అవకాశం ఉందని, వెంటనే అధికారులు స్పందించి వరద నీటిని తొలగించాలని గ్రామస్తులు కోరుతున్నారు. గ్రామంలోని ప్రధాన రహదారి పై వరద నీరు రావడంతో వ్యాపారస్తులు, వాహనదారులు, పాదాచారులు తీవ్ర ఇబ్బందులు ఎదుర్కొంటున్నారు. ముఖ్యంగా రహదారికి అనుకొని ఉన్నటువంటి ఇంటి యజమానులు వరద నీరు పోవడానికి సహకరించాలని గ్రామస్తులు కోరుతున్నారు. ఇదే విషయంపై గ్రామపంచాయతీ కార్యదర్శిని వివరణ కోరగా... రహదారి కి ఆనుకొని ఉన్న ఇంటి యజమానులతో మాట్లాడి, గ్రామ పెద్దల సహకారంతో వరద నీటిని వెంటనే తొలగించేందుకు చర్యలు తీసుకుంటామని, గ్రామ ప్రజల సహకరించాలని కోరారు.
Comments