ఘనంగా విజయ గణపతి దుర్గామాత ఆలయ వార్షికోత్సవం

సత్తుపల్లి, తెలంగాణ ముచ్చట్లు:
గంగారం గ్రామంలోని విజయ గణపతి దుర్గామాత ఆలయం 6వ వార్షికోత్సవాన్ని ఘనంగా నిర్వహించారు. ఈ సందర్భంగా ఆలయంలో ప్రత్యేక పూజలు నిర్వహించి అమ్మవారిని పూజించారు.

రాష్ట్ర కాంగ్రెస్ నేత డాక్టర్ మట్టా దయానంద్ విజయ్ కుమార్ ఈ వేడుకలో పాల్గొని ప్రత్యేక పూజలు నిర్వహించారు. అనంతరం అన్నదాన కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ, “ఇలాంటి ఆధ్యాత్మిక వేడుకలు సమాజంలో మానవీయ విలువలను పెంపొందించేందుకు దోహదపడతాయి” అని పేర్కొన్నారు.

ఈ కార్యక్రమంలో మాజీ ఎంపీపీ దాసరి వెంకటరామి రెడ్డి, మండల కాంగ్రెస్ నాయకులు, గ్రామ పెద్దలు, పార్టీ కార్యకర్తలు, ఆలయ కమిటీ సభ్యులు పాల్గొన్నారు. వారంతా సంయుక్తంగా కార్యక్రమాన్ని విజయవంతంగా నిర్వహించారు. IMG-20241230-WA0033