_శివ సాయి నగర్ హనుమాన్ ఆలయంలో భక్తుల రద్దీ
– ప్రత్యేక పూజలు, ప్రసాదం పంపిణీ
కుషాయిగూడ, ఏప్రిల్ 2 (తెలంగాణ ముచ్చట్లు)
ఉప్పల్ నియోజకవర్గం కాప్రా సర్కిల్ కుషాయిగూడ డివిజన్ పరిధిలోని శివ సాయి నగర్ హనుమాన్ ఆలయంలో హనుమాన్ జయంతి వేడుకలు అంగరంగ వైభవంగా నిర్వహించారు. ఈ సందర్భంగా ఆలయాన్ని అందంగా అలంకరించి ప్రత్యేక పూజలు, అభిషేకాలు నిర్వహించారు.ఉదయం నుంచే భారీ సంఖ్యలో భక్తులు ఆలయానికి చేరుకుని స్వామివారిని దర్శించుకున్నారు. భక్తులతో ఆలయ ప్రాంగణం కిటకిటలాడింది. మహిళలు, యువకులు భక్తి శ్రద్ధలతో కార్యక్రమాలలో పాల్గొన్నారు. నిర్వహణ కమిటీ సభ్యులు అన్ని ఏర్పాట్లు సమర్థంగా నిర్వహించగా, వేడుకలు ఆధ్యాత్మిక వాతావరణంలో ప్రశాంతంగా ముగిశాయి.
Comments