వేలేరు,అక్టోబర్5(తెలంగాణ ముచ్చట్లు):
వేలేరు మండలంలోని మల్లికుదుర్ల గ్రామంలో వరుసగా జరుగుతున్న దొంగతనాలు స్థానికులను ఆందోళనకు గురిచేస్తున్నాయి. గ్రామానికి చెందిన బొజ్జ రాజు (48) ఆదివారం ఉదయం తన గేదెల కొట్టం వద్దకు వెళ్లగా, గేటు వద్ద టైర్ల అచ్చులు కనిపించడంతో అనుమానం వచ్చింది. లోపలికి వెళ్లి చూసేసరికి నాలుగు పొట్టేళ్లు, నాలుగు మేకలు, నాలుగు గొర్రెలు దొంగతనం జరిగినట్లు గుర్తించారు. దొంగతనానికి గురైన వాటి మొత్తం విలువ సుమారు 80 వేల రూపాయలు ఉంటుందని తెలిపారు.ఈ ఘటనపై బాధితుడు పోలీసులకు సమాచారం ఇవ్వగా, కేసు నమోదు చేసి దర్యాప్తు ప్రారంభించినట్లు పోలీసులు తెలిపారు. గ్రామంలో ఇటీవలి కాలంలో ఇలాంటి చోరీలు పెరగడంతో ప్రజలు భయాందోళనకు గురవుతున్నారు.
Comments