వనపర్తి , తెలంగాణ ముచ్చట్లు:
పెద్దమందడి మండలం వెల్టూర్ గ్రామ గోపాల సముద్రం చెరువు పునరుద్ధరణ పనులకు జీవో ఆర్టి నెంబర్ ప్రకారం ప్రభుత్వం 66 లక్షల 50 వేలు నిధులను మంజూరు చేయడం జరిగింది. ప్రభుత్వం వెల్టూరు చెరువుకు నిధులు మంజూరు చేయడం పట్ల వెల్టూరు గ్రామ కాంగ్రెస్ పార్టీ అధ్యక్షుడు జగదీశ్వర్ రెడ్డి (బంగ్లా బాబు) గురువారం హర్షం వ్యక్తం చేశారు. ఈ సందర్భంగా ఆయన మాట్లాడుతూ.. చెరువుల పటిష్టత కోసం, రైతుల శ్రేయస్సు కోసం, కాంగ్రెస్ ప్రభుత్వం కట్టుబడి ఉందని అన్నారు. ఈ సందర్భంగా నిధుల మంజూరుకు కృషిచేసిన వనపర్తి ఎమ్మెల్యే తుడి మేఘా రెడ్డిని, సీఎం రేవంత్ రెడ్డిని జగదీశ్వర్ రెడ్డిని గ్రామ రైతుల తరఫున, ప్రజల తరఫున ప్రత్యేక కృతజ్ఞతలు తెలియజేశారు.
Comments