గ్రూప్-2 పరీక్షల నిర్వహణపై అధికారులకు కీలక సూచనలు

హన్మకొండ,తెలంగాణ ముచ్చట్లు:హనుమకొండ జిల్లాలో గ్రూప్-2 పరీక్షల నిర్వహణకు సంబంధించి అధికారులువిధులను కచ్చితంగా పాటించాలని జిల్లా అదనపు కలెక్టర్ వెంకట్ రెడ్డి సూచించారు.

హనుమకొండ జిల్లా కలెక్టరేట్‌లో నిర్వహించిన సమావేశంలో అదనపు కలెక్టర్ మాట్లాడుతూ, పరీక్షా కేంద్రాల వద్ద అభ్యర్థుల హాల్ టికెట్ మరియు ఫోటో గుర్తింపు సక్రమంగా తనిఖీ చేయాలని అధికారులను ఆదేశించారు. పరీక్షల నిర్వహణలో అనుసరించాల్సిన నియమాలు, మార్గదర్శకాలు విపులంగా వివరించారు.
ఈ సమావేశంలో స్పెషల్ డిప్యూటీ కలెక్టర్ రవి, పరీక్షల రీజినల్ కోఆర్డినేటర్లు సదానందం, ఆనంద్ కిషోర్, కలెక్టరేట్ ఏవో గౌరీ శంకర్ సహా ఇతర అధికారులు పాల్గొన్నారు.