దేవాలయాలను సందర్శించిన కుడా ఛైర్మన్ ఇనగాల వెంకట్రామ్ రెడ్డి

వరంగల్,తెలంగాణ ముచ్చట్లు:వరంగల్ కుడా ఛైర్మన్ ఇనగాల వెంకట్రామ్ రెడ్డి శనివారం కుటుంబ సమేతంగా భద్రకాళి అమ్మవారి ఆలయం, వేయి స్తంబాల దేవాలయం, ఐనవోలు మల్లిఖార్జున స్వామి దేవాలయాలను సందర్శించారు. ఈ సందర్భంగా ప్రత్యేక పూజలు, అభిషేకాలు నిర్వహించారు.

ఆలయ అధికారులు, అర్చకులు పూర్ణకుంభంతో ఆయనకు ఘన స్వాగతం పలికారు. పూజల అనంతరం అర్చకులు శాలువాతో ఆయనకు సత్కారం చేసి ఆశీర్వచనాలు, తీర్థప్రసాదాలు అందజేశారు. ఈ కార్యక్రమం భక్తి భావనతో కూడిన వాతావరణంలో సాగింది.