సమాజ సేవలో అడుగులు వేసిన రౌడీషీటర్లు కు కుషాయిగూడ పోలీస్ ప్రశంసలు

కుషాయిగూడ, నవంబర్ 26 (తెలంగాణ ముచ్చట్లు)

రాచకొండ కమిషనర్ ఆఫ్ పోలీస్ ఆదేశాల మేరకు బుధవారం కుషాయిగూడ పోలీస్ స్టేషన్ పరిధిలో ట్రాఫిక్ నియంత్రణ మరియు అవగాహన కార్యక్రమం నిర్వహించారు. ఈ కార్యక్రమంలో విశేషంగా, సత్ప్రవర్తనతో ముందుకు వచ్చిన 20 మంది రౌడీషీటర్లు స్వచ్ఛందంగా ట్రాఫిక్ నియంత్రణలో పోలీసులకు సహాయంగా పనిచేశారు.ఈ కార్యక్రమంలో కుషాయిగూడ ఏసీపీ వెంకట్ రెడ్డి, ఎస్‌హెచ్‌ఓ భాస్కర్ రెడ్డి, ట్రాఫిక్ ఇన్స్పెక్టర్ రుద్రవీర్ కుమార్, సబ్ ఇన్స్పెక్టర్లు సుధాకర్ రెడ్డి, మధు, సతీష్ తదితరులు పాల్గొన్నారు. అలాగే స్వచ్ఛందంగా పలువురు స్థానిక ప్రజలు కూడా పాల్గొని కార్యక్రమాన్ని విజయవంతం చేశారు.ట్రాఫిక్ శాంతిభద్రతల కోసం సమాజంలో మార్పు తీసుకురావాలనే దృక్పథంతో ముందుకు వచ్చిన రౌడీషీటర్ల సత్ప్రవర్తనను పోలీసులు అభినందించారు. IMG-20251126-WA0078