పెద్దమందడి,ఆగస్టు23(తెలంగాణ ముచ్చట్లు):
వనపర్తి ఎమ్మెల్యే తుడి మేఘారెడ్డి శనివారం పెద్దమందడి మండలం అమ్మపల్లి గ్రామంలో రెండు నూతన భవనాలకు శంకుస్థాపనలు చేశారు. గ్రామపంచాయతీ భవనం, అంగన్వాడి భవనం నిర్మాణానికి పునాదిరాళ్లు వేసి అభివృద్ధి పనులకు శ్రీకారం చుట్టారు.
ఈ సందర్భంగా ఎమ్మెల్యే మాట్లాడుతూ – “గ్రామీణ ప్రాంతాల అభివృద్ధి కోసం కాంగ్రెస్ ప్రభుత్వం కృషి చేస్తోంది. పంచాయతీ భవనం, అంగన్వాడి వంటి వసతులు ప్రతి గ్రామానికి అందుబాటులోకి తెచ్చేందుకు చర్యలు చేపడతాం” అన్నారు.
కార్యక్రమంలో జిల్లా కాంగ్రెస్ నాయకులు, మండల కాంగ్రెస్ నాయకులు, అధికారులు, గ్రామ నాయకులు, పెద్దలు, యువకులు, మహిళలు, గ్రామస్తులు తదితరులు పాల్గొన్నారు.
Comments