వనపర్తి ,తెలంగాణ ముచ్చట్లు:
పెద్దమందడి మండలంలోని వివిధ గ్రామాల గ్రామపంచాయతీ కార్మికులకు గత మూడు, నాలుగు నెలలుగా జీతాలు రాకపోవడంతో తీవ్ర ఇబ్బందులు ఎదుర్కొంటున్నామని ఆవేదన వ్యక్తం చేస్తున్నారు. బుధవారం పెద్దమందడి తాసిల్దార్ కార్యాలయంలో ఆర్ఐ గణేష్ కు పలు డిమాండ్లతో, పెండింగ్ జీతాలను చెల్లించాలని గ్రామపంచాయతీ కార్మికులు వినతి పత్రాన్ని అందజేశారు. ఈ సందర్భంగా గ్రామపంచాయతీ కార్మికుల మండల అధ్యక్షులు గట్టమ్మ మరియు మాజీద్ మాట్లాడుతూ... గత మూడు నాలుగు నెలలుగా గ్రామపంచాయతీ కార్మికులకు జీతాలు చెల్లించడం లేదని పెండింగ్ జీతాలను వెంటనే చెల్లించాలని అన్నారు. జీతాలు రాకపోవడంతో ఆర్థిక ఇబ్బందులకు గురవుతున్నామని ప్రభుత్వం వెంటనే స్పందించి కార్మికుల పెండింగ్ జీతాలు చెల్లించాలని కోరారు. అనంతరం తాసిల్దార్ కార్యాలయం ముందు మోకాళ్ళతో నిరసన వ్యక్తం చేశారు. ఈ కార్యక్రమంలో మండలంలోని 23 గ్రామపంచాయతీల కార్మికులు పాల్గొన్నారు.
Comments