నాచారం, తెలంగాణ ముచ్చట్లు:
ఉప్పల్ నియోజకవర్గంలోని మల్లాపూర్ డివిజన్లోని వివిధ ప్రాంతాల అభివృద్ధి కోసం రూ.74 లక్షల నిధులను విడుదల చేసింది రాష్ట్ర ప్రభుత్వం. ముఖ్యమంత్రి రేవంత్ రెడ్డి ప్రభుత్వంతో పాటు నియోజకవర్గ కాంగ్రెస్ ఇంచార్జ్ మందుముల పరమేశ్వర రెడ్డి సహకారంతో ఈ నిధులు మంజూరైనట్లు సమాచారం.
స్వామి వివేకానంద నగర్ కాలనీ, ఎస్సీ బస్తీ, ఓల్డ్ మల్లాపూర్ ప్రాంతాల్లో సీసీ రోడ్ల నిర్మాణానికి ఈ నిధులను కేటాయించారు.
ఈ సందర్భంగా మల్లాపూర్ డివిజన్ కాంగ్రెస్ నేత నెమలి అనిల్ కుమార్ నేతృత్వంలో ఎస్సీ బస్తీ నివాసితులు, కాంగ్రెస్ కార్యకర్తలు, మహిళా సభ్యులు ముఖ్యమంత్రి చిత్రపటానికి పాలాభిషేకం చేశారు. అభివృద్ధి పనులకు నిధులు విడుదల కావడంపై స్థానిక ప్రజానీకం హర్షం వ్యక్తం చేశారు.
Comments