మల్కాజిగిరి, జనవరి 08 (తెలంగాణ ముచ్చట్లు):
మల్కాజిగిరి పోలీస్ కమిషనరేట్ పరిధిలో పోగొట్టుకున్న లేదా దొంగిలించబడిన మొబైల్ ఫోన్లను రికవరీ చేయడంలో పోలీసులు గణనీయమైన విజయం సాధించారు. సెంట్రల్ ఎక్విప్మెంట్ ఐడెంటిటీ రిజిస్ట్రీ (సిఇఐఆర్) పోర్టల్ సహాయంతో సుమారు 1039 మొబైల్ ఫోన్లను గుర్తించి స్వాధీనం చేసుకున్నారు. వీటి మొత్తం విలువ రూ. 2 కోట్ల 8 లక్షలుగా పోలీసులు వెల్లడించారు.మల్కాజిగిరి పోలీస్ కమిషనర్ అవినాష్ మొహంతి, ఐపిఎస్ ఆదేశాల మేరకు, సీసీఎస్ ఎల్బీ నగర్, మల్కాజిగిరి యూనిట్లు మరియు ఐటి సెల్ సహకారంతో ప్రత్యేక బృందాలను ఏర్పాటు చేసి గత ఆరు నెలలుగా విస్తృతంగా దర్యాప్తు నిర్వహించారు. ఈ క్రమంలో ఎల్బీ నగర్ సీసీఎస్ పరిధిలో 739, మల్కాజిగిరి సీసీఎస్ పరిధిలో 300 మొబైల్ ఫోన్లను రికవరీ చేయగా, మొత్తం సంఖ్య 1039కి చేరింది.
ఈ ఏడాది ఇప్పటివరకు (ఈ రికవరీతో కలిపి) మల్కాజిగిరి కమిషనరేట్ పరిధిలో మొత్తం 4733 మొబైల్ ఫోన్లు రికవరీ చేయబడినట్లు అధికారులు తెలిపారు.గురువారం, జనవరి 08న, రికవరీ చేసిన మొబైల్ ఫోన్లను మల్కాజిగిరి పోలీసులు అధికారికంగా అసలైన యజమానులకు అందజేశారు. ఈ సందర్భంగా పోలీస్ కమిషనర్ బాధితులతో మాట్లాడి, మొబైల్ ఫోన్లలో ఉన్న విలువైన వ్యక్తిగత సమాచారాన్ని జాగ్రత్తగా రక్షించుకోవాలని సూచించారు. తమ మొబైల్ పరికరాలు తిరిగి లభించడంతో బాధితులు ఆనందం వ్యక్తం చేస్తూ, మల్కాజిగిరి పోలీసుల పనితీరును ప్రశంసించారు.
ఈ రికవరీ కార్యక్రమంలో కె. గుణ శేఖర్, ఐపిఎస్ – డిసిపి క్రైమ్స్, సిహెచ్. రామేశ్వర్ – అదనపు డిసిపి క్రైమ్స్, కరుణ సాగర్ – ఏసిపి క్రైమ్స్, సీసీఎస్ ప్రత్యేక బృందాలు మరియు ఐటి సెల్ అధికారులు కీలకంగా వ్యవహరించారు. ప్రతి సీసీఎస్లో ఇన్స్పెక్టర్, ఎస్ఐ, ఏఎస్ఐ, హెడ్ కానిస్టేబుల్, పోలీస్ కానిస్టేబుళ్లు మరియు సిఇఐఆర్ పోర్టల్ ఇన్ఛార్జ్లతో కూడిన బృందాలు పనిచేశాయి.ప్రజలకు పోలీసుల సూచనలు:
దొంగిలించబడిన మొబైల్ ఫోన్లను కొనడం, అమ్మడం నేరమని పోలీసులు హెచ్చరించారు. అధీకృత బిల్లు లేకుండా మొబైల్ ఫోన్లను కొనుగోలు చేయవద్దని, ప్రయాణాలు చేసే సమయంలోc మరియు రద్దీ ప్రాంతాల్లో మొబైల్ ఫోన్లను జాగ్రత్తగా భద్రపరచుకోవాలని సూచించారు. బలమైన పాస్వర్డ్లను వినియోగించడంతో పాటు నాపరికరాన్ని కనుగొనండి’ సెట్టింగ్ను సక్రియం చేయాలని, డేటా నష్టం నివారించేందుకు తరచూ బ్యాకప్ తీసుకోవాలని తెలిపారు. మొబైల్ పోయిన వెంటనే పోలీసులకు ఫిర్యాదు చేయాలని ప్రజలకు సూచించారు.
Comments