గిరిజన హక్కుల కోసం అంకితమైన శిబు సోరెన్ స్ఫూర్తిగా నిలుస్తారు

తెలంగాణ సిఎం రేవంత్ రెడ్డి

జార్ఖండ్,తెలంగాణ ముచ్చట్లు:

దేశం గర్వించదగిన గిరిజన నేత, దిషోం గురు, జార్ఖండ్ మాజీ ముఖ్యమంత్రి శిబు సోరెన్ కు ముఖ్యమంత్రి రేవంత్ రెడ్డి నివాళులర్పించారు. జార్ఖండ్‌ రామ్‌గఢ్ జిల్లాలోని నమ్రా గ్రామంలో సంప్రదాయ గిరిజన ఆచారాలతో నిర్వహించిన శ్రద్ధాంజలి కార్యక్రమానికి ఆయన హాజరయ్యారు.

ఈ సందర్భంగా శిబు సోరెన్ చిత్రపటానికి పుష్పాంజలి ఘటించి ఆయన సేవలను స్మరించారు. జార్ఖండ్ మాత్రమే కాకుండా దేశంలోని గిరిజన, అణగారిన వర్గాల పక్షాన శిబు సోరెన్ బలమైన స్వరం వినిపించారని, ఆయన జీవితం ఆ వర్గాల కోసం అంకితం అయ్యిందని పేర్కొన్నారు. గిరిజన సమాజ ప్రయోజనాల కోసం ఆయన ఆశయాలను ముందుకు తీసుకెళ్లాల్సిన అవసరం ఉందని తెలిపారు.శిబు సోరెన్ IMG-20250816-WA0068 కుమారుడు, జార్ఖండ్ ముఖ్యమంత్రి హేమంత్ సోరెన్‌తో పాటు కుటుంబ సభ్యులకు రేవంత్ రెడ్డి సంతాపాన్ని తెలియజేశారు.