మల్లాపూర్ లో 100 పడకల ప్రభుత్వ ఆసుపత్రి కోసం స్థల పరిశీలన

_ఎలిఫెంట్ సర్కిల్ వద్ద స్థలం అనుకూలమని అధికారుల అభిప్రాయం

మల్లాపూర్, ఏప్రిల్ 7 (తెలంగాణ ముచ్చట్లు)

ఉప్పల్ నియోజకవర్గం నాచారం సర్కిల్ మల్లాపూర్ డివిజన్ పరిధిలో 100 పడకల ప్రభుత్వ ఆసుపత్రి మంజూరైన నేపథ్యంలో, ఆసుపత్రి నిర్మాణానికి అనువైన స్థలాల ఎంపికపై అధికారులు దృష్టి సారించారు. ఈ క్రమంలో ఉప్పల్ ఎమ్మెల్యే బండారి లక్ష్మారెడ్డి సూచనల మేరకు మల్లాపూర్ ఎలిఫెంట్ సర్కిల్ వద్ద సర్వే నంబర్ 84లో ఖాళీగా ఉన్న స్థలాన్ని పరిశీలించారు.స్థల పరిశీలనలో ఉప్పల్ మండల తహసిల్దార్ ఫూల్ సింగ్, మాజీ కార్పొరేటర్ పన్నాల దేవేందర్ రెడ్డి పాల్గొన్నారు. పరిశీలన అనంతరం ఈ స్థలం ఆసుపత్రి నిర్మాణానికి అనుకూలంగా ఉండటంతో పాటు అవసరాలకు సరిపోతుందని అధికారులు పేర్కొన్నారు.ఈ కార్యక్రమం లో జలమండలి డీజీఎం వేణుగోపాల్, మేనేజర్ రోహిత్, రెవెన్యూ అధికారులు, స్థానిక నాయకులు తండా వాసుగౌడ్, తిగుళ్ల శ్రీనివాస్ గౌడ్, ఫైళ్ల ప్రవీణ్, అల్లాడి కృష్ణ యాదవ్, పద్మరెడ్డి, ఉస్మాన్, రఘు తదితరులు పాల్గొన్నారు.