కాప్రా, సెప్టెంబర్ 22 (తెలంగాణ ముచ్చట్లు):
మేడ్చల్-మల్కాజిగిరి జిల్లా వ్యవసాయ మార్కెట్ కమిటీ వైస్ చైర్మన్, సీనియర్ కాంగ్రెస్ నాయకుడు విఠల్ నాయక్ దంపతులు కాప్రా నాయక్ నగర్ బంజారా కాలనీలోని భవాని మాత మండపంలో జరిగిన శ్రీ దేవీ శరన్నవరాత్రుల మొదటి రోజు పూజల్లో పాల్గొన్నారు.ఈ సందర్భంగా విఠల్ నాయక్ మాట్లాడుతూ – ప్రతి సంవత్సరం భక్తిశ్రద్ధలతో శ్రీదేవీ నవరాత్రి ఉత్సవాలను ఘనంగా నిర్వహిస్తున్నామని, భవానీ మాత విగ్రహాన్ని ఏర్పాటు చేసి స్థానికులతో కలిసి పూజలు చేస్తున్నామని తెలిపారు.మొదటి రోజు అమ్మవారి ని శ్రీ బాలా త్రిపుర సుందరి దేవి అవతారంలో అలంకరించి ప్రత్యేక పూజలు నిర్వహించామని, ప్రతి రోజూ అమ్మవారిని వేర్వేరు అవతారాలలో అలంకరించి భక్తులకు దర్శనమిస్తారని ఆయన వివరించారు.కాప్రా పట్టణ ప్రజలందరూ ఆయురారోగ్యాలతో, సుఖసంతోషాలతో వర్ధిల్లాలని అమ్మవారిని ప్రార్థించామని విఠల్ నాయక్ తెలిపారు.ఈ కార్యక్రమంలో నాయక్ నగర్ బంజారా కాలనీ వాసులు, భవాని మాత మాలదారులు, భక్తులు పాల్గొన్నారు.
Comments