యూత్ కాంగ్రెస్ మండల అధ్యక్షుడిగా తాటికాయల రాజేందర్

జఫర్గడ్,తెలంగాణ ముచ్చట్లు: మండల కాంగ్రెస్ యూత్ అధ్యక్షుడిగా మండలం లోని వడ్డేగూడెం గ్రామానికి చెందిన తాటికాయల రాజేందర్ ఎన్నికయ్యారు. కాంగ్రెస్ పార్టీ ఆధ్వర్యంలో అన్ లైన్ ద్వారా జరిగిన ఎన్నికల్లో రాజేందర్ గెలుపొందారు. శుక్రవారం రాజేందర్ మండల కేంద్రంలో మాట్లాడుతూ.. తన ఎన్నికకు సహకరించిన స్థానిక ఎమ్మెల్యే కడియం శ్రీహరి, వరంగల్ పార్లమెంట్ సభ్యులు కడియం కావ్యకు , పార్టీ నాయకులకు, కార్యకర్తలకు, యువతకు కృతజ్ఞతలు తెలియజేశారు.అలాగే పార్టీ బలోపేతానికి తన వంతు కృషి చేస్తానని తెలిపారు.