చర్లపల్లి, అక్టోబర్ 27 (తెలంగాణ ముచ్చట్లు)
ఉప్పల్ నియోజకవర్గం చర్లపల్లి డివిజన్ పరిధిలోని మీనాక్షి నగర్‌లో జరుగుతున్న రోడ్డు అభివృద్ధి పనులను ఉప్పల్ ఎమ్మెల్యే బండారి లక్ష్మారెడ్డి స్వయంగా పర్యవేక్షించారు. ఆయన కాలనీ ప్రాంతంలో తిరిగి ప్రజలతో మాట్లాడి, వారి సమస్యలను తెలుసుకున్నారు.రోడ్ పనులు నాణ్యతను పరిశీలించి, పనులను వేగంగా పూర్తి చేయాలని కాంట్రాక్టర్లకు సూచించారు. కాలనీ వాసులు డ్రైనేజీ సమస్యను ఎమ్మెల్యే దృష్టికి తీసుకురాగానే, వెంటనే అధికారులను ఆదేశించి అవసరమైన పనులు ప్రారంభించమని సూచించారు.
ఎమ్మెల్యే మాట్లాడుతూ — “మీనాక్షి నగర్‌లో తక్షణ సమస్యల పరిష్కారానికి చర్యలు తీసుకుంటాం. ప్రజల అభ్యర్థనల మేరకు ప్రతి సమస్యను ఒకదాని తర్వాత ఒకటి పరిష్కరిస్తాం,” అని తెలిపారు.ఈ కార్యక్రమంలో కాలనీ అధ్యక్షుడు సురేష్ గుప్త, ప్రధాన కార్యదర్శి నర్సింగ్ రావు, కాలనీ వాసులు, బిఆర్ఎస్ పార్టీ నాయకులు, కార్యకర్తలు పాల్గొన్నారు.
Comments