ముదిగొండ మండలం, న్యూ లక్ష్మీపురం కేజీబీవీ పాఠశాలలో ఘనంగా 79వ స్వాతంత్ర్య దినోత్సవ వేడుకలు
ఖమ్మం బ్యూరో చీఫ్, తెలంగాణ ముచ్చట్లు:
దేశ స్వాతంత్రం కోసం పోరాడి అమరులైన మహనీయుల త్యాగాల ఫలితమే నేడు స్వేచ్ఛగా స్వాతంత్ర్య దినోత్సవ వేడుకలను జరుపుకుంటున్నామని ముదిగొండ కేజీబీవీ పాఠశాల స్పెషల్ ఆఫీసర్ బండారు ఇందిర అన్నారు. శుక్రవారం 79వ స్వాతంత్ర్య దినోత్సవ వేడుకలను పురస్కరించుకొని ఖమ్మం జిల్లా, ముదిగొండ మండలం, న్యూ లక్ష్మీపురం కేజీబీవీ పాఠశాలలో స్పెషల్ ఆఫీసర్ బండారు ఇందిర జాతీయ పతాకాన్ని ఘనంగా ఆవిష్కరించారు. ఈ సందర్భంగా ఆమె మాట్లాడుతూ.. ఎందరో మహనీయుల త్యాగ ఫలితంగా 1947 ఆగస్టు 15న స్వాతంత్ర్యం సిద్ధించిందని అన్నారు. మహాత్మా గాంధీ, జవహర్లాల్ నెహ్రూ లాంటి ఎందరో మహనీయుల చరిత్రలను పుస్తక పఠనం ద్వారా తెలుసుకొని భవిష్యత్తు తరాలకు తెలియజేయాల్సిన అవసరం మనందరిపై ఉందన్నారు. వారి ఆశయ సాధనకోసం విద్యార్థినులు బాగా కష్టపడి ప్రణాళికతో చదివి ఉన్నత శిఖరాలకు చేరినప్పుడే ఆ మహనీయుల త్యాగాలకు అర్ధం ఉంటుంది అప్పుడే దేశ అభ్యున్నతికి పాటుపడినవారమౌతామన్నారు. ఈ స్వాతంత్ర్య దినోత్సవ వేడుకల్లో గ్రామ మాజీ సర్పంచ్ ఎండి హజ్గర్, అధ్యాపకులు నిర్మల, నాగమణి, స్వాతి, జ్యోతి, ఉమ, రాధ, సఫీయా బేగం, యాస్మిన్, సుజాత, సుమలత(తెలుగు), సుమలత(ఫిజిక్స్), అకౌంటెంట్ మాధవి, పిఈటి సునీత, విద్యార్థినులు పాల్గొన్నారు.
Comments