హుజురాబాద్ పట్టణం, మార్చి 18 (తెలంగాణ ముచ్చట్లు )
గీత కార్మికుల సంక్షేమం కోసం ప్రభుత్వం కట్టుబడి పనిచేస్తోందని మున్సిపల్ చైర్మన్ రొంటాల సుహాసిని పేర్కొన్నారు. బుధవారం పట్టణంలోని గీత కార్మికులకు ‘కాటమ రక్ష’ కిట్లను ఆమె చేతుల మీదుగా పంపిణీ చేశారు.
ఈ సందర్భంగా ఆమె మాట్లాడుతూ, గీత కార్మికులు ప్రమాదకర పరిస్థితుల్లో పనిచేస్తూ జీవనం సాగిస్తున్నారని, వారి భద్రత కోసం ప్రభుత్వం ప్రత్యేకంగా ఈ కిట్లను అందిస్తున్నదని తెలిపారు. కార్మికుల ఆరోగ్యం, భద్రతకు ప్రాధాన్యత ఇస్తూ మరిన్ని సంక్షేమ కార్యక్రమాలను అమలు చేస్తామని హామీ ఇచ్చారు.
కార్యక్రమంలో బీసీ సంక్షేమ శాఖ, ఎక్సైజ్ శాఖ అధికారులు పాల్గొని ప్రభుత్వ పథకాలపై వివరాలు తెలిపారు. అలాగే కౌన్సిలర్లు రమేష్ గౌడ్, పంజాల మనోజ్ గౌడ్, సొల్లు సునీత బాబు తదితరులు పాల్గొని కార్మికులకు అభినందనలు తెలిపారు.
ఈ కార్యక్రమం గీత కార్మికులలో ఆనందాన్ని కలిగించగా, ప్రభుత్వానికి వారు కృతజ్ఞతలు తెలిపారు.
Comments