హైదరాబాద్,మార్చి17(తెలంగాణ ముచ్చట్లు):
హైదరాబాద్ బోడుప్పల్లో తుంగతుర్తి ఎమ్మెల్యే మందుల సామేలు నివాసంపై జరిగిన దాడి ఘటనను స్టేషన్ ఘనపూర్ నియోజకవర్గానికి చెందిన కాంగ్రెస్ పార్టీ సీనియర్ నాయకుడు రడపాక డానియల్ ఖండించారు. ఈ ఘటన అనవసర ఉద్రిక్తతలకు దారితీసే విధంగా జరిగిందని ఆయన పేర్కొన్నారు.మందుల సామేలు చేసిన వ్యాఖ్యలను కారణంగా చూపుతూ బిజెపి, ఆర్ఎస్ఎస్ కార్యకర్తలు దాడికి పాల్పడ్డారని ఆరోపించారు. చిన్న విషయాలను పెద్దగా చేసి గందరగోళం సృష్టించే ప్రయత్నాలు జరుగుతున్నాయని, ఇలాంటి చర్యలు సమాజంలో విభేదాలను పెంచుతాయని అన్నారు.
రాజకీయ ప్రయోజనాల కోసం ప్రజల మధ్య విభేదాలు రేకెత్తించడం తగదని, శాంతి, సామరస్యాన్ని కాపాడటం ప్రతి ఒక్కరి బాధ్యత అని రడపాక డానియల్ పేర్కొన్నారు. ఈ ఘటనపై ప్రభుత్వం తక్షణ చర్యలు తీసుకొని బాధ్యులపై కఠిన చర్యలు తీసుకోవాలని డిమాండ్ చేశారు.
మందుల సామేలు కు మద్దతుగా నిలుస్తామని తెలిపారు. రాష్ట్రంలో శాంతిభద్రతలను కాపాడుతూ ఇలాంటి ఘటనలు పునరావృతం కాకుండా చర్యలు తీసుకోవాలని ప్రభుత్వాన్ని కోరారు.
Comments