ఈనాటి ఈ బంధం… ఆనాటి అనుబంధం

ఖమ్మం బ్యూరో చీఫ్, తెలంగాణ ముచ్చట్లు:

కాలం మారినా... వయసులు పెరిగినా... స్నేహబంధం మాత్రం అలానే నిలుస్తుంది. ఆదివారం ఖమ్మం నగరంలోని సిటీ సెంట్రల్ కన్వెన్షన్ ఆ నిజానికి సాక్ష్యమైంది. తెలంగాణ రెవెన్యూ, గృహ నిర్మాణం, సమాచార శాఖల మంత్రి పొంగులేటి శ్రీనివాస రెడ్డి తన స్నేహితుడి కుమారుడి వివాహానికి హాజరయ్యారు. ఈ వేడుకలో తన చిన్ననాటి స్నేహితులు, విద్యార్థి దశలో కలసి చదువుకున్న మిత్రులను మళ్లీ కలుసుకోవడం ఆ వేదికను మరింత ఆప్యాయతతో నింపింది.