ఎస్‌జీఎఫ్‌ గేమ్స్‌లో వెల్టూర్ విద్యార్థుల ప్రతిభ.

పెద్దమందడి,అక్టోబర్03(తెలంగాణ ముచ్చట్లు):

జిల్లాస్థాయి ఎస్‌జీఎఫ్‌ క్రీడా పోటీల్లో పెద్దమందడి మండలం వెల్టూర్ జట్టు ద్వితీయ స్థానంలో నిలిచింది. ఈ విజయానికి కృషి చేసిన వెల్టూర్ పాఠశాల విద్యార్థులు, ఫిజికల్‌ డైరెక్టర్‌ను పాఠశాల ప్రధానోపాధ్యాయులు, ఉపాధ్యాయ బృందం అభినందించారు.క్రీడల్లో విద్యార్థులు చురుకుగా పాల్గొని ప్రతిభ కనబరిచి మండల జట్టుకు మంచి ఫలితాన్ని సాధించడంలో కీలక పాత్ర పోషించారని ఉపాధ్యాయులు పేర్కొన్నారు. విద్యార్థుల్లో క్రీడా స్ఫూర్తిని పెంపొందించేందుకు ఫిజికల్‌ డైరెక్టర్‌ చేస్తున్న కృషిని అభినందించారు.విద్యార్థులు చదువుతో పాటు క్రీడల్లోనూ రాణించి పాఠశాలకు, మండలానికి మంచి పేరు తీసుకురావాలని ప్రధానోపాధ్యాయులు, ఉపాధ్యాయులు ఆకాంక్షించారు.