చెంగల రవీందర్‌ను పరామర్శించిన వరంగల్ ఎంపీ కడియం కావ్య

నెక్కొండ,తెలంగాణ ముచ్చట్లు:

ఇటీవల మృతిచెందిన చెంగల మొగిలియ్య గౌడ్ కుటుంబాన్ని వరంగల్ పార్లమెంట్ సభ్యురాలు డాక్టర్ కడియం కావ్య సోమవారం పరామర్శించారు. నెక్కొండ మండలం సూరిపల్లి గ్రామానికి చెందిన మొగిలియ్య గౌడ్ కుమారుడు చెంగల రవీందర్, ఎంపీ వ్యక్తిగత సహాయకుడిగా బాధ్యతలు నిర్వహిస్తున్నారు.

ఈ సందర్భంగా ఎంపీ కడియం కావ్య, ఆమె భర్త డాక్టర్ నజీర్ తో కలిసి చెంగల కుటుంబ నివాసానికి వెళ్లి, మొగిలియ్య గౌడ్ చిత్రపటానికి పూలమాలలు సమర్పించి నివాళులు అర్పించారు. అనంతరం రవీందర్‌తో పాటు కుటుంబ సభ్యులను పరామర్శించి ప్రగాఢ సానుభూతిని తెలిపారు.ఈ కార్యక్రమంలో ఎంపీతో కలిసి నియోజకవర్గ ప్రజాప్రతినిధులు, కాంగ్రెస్ పార్టీ నాయకులు, స్థానిక పెద్దలు పాల్గొన్నారు. IMG-20250714-WA0048