జెడ్పిటిసి రేసులో యువనాయకుడు    ఇల్లందుల విజయ్

-చిల్పూర్ ప్రత్యేక మండల డిమాండ్‌లోను కీలక భూమిక పోషించిన విజయ్ 

-తెలంగాణ ఉద్యమం నుంచి యువజన కాంగ్రెస్ అధ్యక్ష పదవి వరకు విజయ్ ప్రయాణం

-బిఆర్ఎస్‌లో మొదలై, కాంగ్రెస్‌లో బలపడిన రాజకీయ పయనం

-వివాదరహిత నాయకుడిగా, సామ్యవాదిగా ప్రజల్లో ప్రత్యేక గుర్తింపు

జడ్పీటీసీ రేసులో యువనాయకుడు ఇల్లందుల విజయ్

చిల్పూర్:

జనగామ జిల్లా చిల్పూర్ మండలం జడ్పీటీసీ స్థానం రాజకీయ చర్చలకు కేంద్రంగా మారింది. ఈసారి ఆ స్థానాన్ని ఎస్‌.సి. సామాజిక వర్గానికి రిజర్వ్ చేయడంతో స్థానికంగా పోటీ వాతావరణం ఉత్సాహంగా మారింది. ఈ నేపథ్యంలో యూత్ కాంగ్రెస్  నియోజకవర్గ అధ్యక్షులు ఇల్లందుల విజయ్ టికెట్ రేసులో ముందంజలో ఉన్నారని ఊహాగానాలు బలంగా వినిపిస్తున్నాయి.

తెలంగాణ ఉద్యమ కాలంలో విజయ్ చురుకైన పాత్ర పోషించారు. ముఖ్యంగా చిల్పూర్‌ను ప్రత్యేక మండలంగా ఏర్పాటు చేయాలని పెద్ద ఎత్తున జరిగిన ఉద్యమంలో ఆయన కీలకంగా పని చేసి ప్రజాదరణ పొందారు. ఈ ఉద్యమాల్లో పాల్గొనడం ద్వారా యువతలో ఆయనకున్న గుర్తింపు మరింత పెరిగింది.

విజయ్ రాజకీయ ప్రస్థానం బిఆర్ఎస్ పార్టీలో ప్రారంభమైంది. అయితే తర్వాతి రాజకీయ పరిణామాల నేపథ్యంలో ఆయన కాంగ్రెస్ పార్టీలో చేరారు. కాంగ్రెస్ యువజన విభాగంలో ఆయన చురుకుగా పనిచేస్తూ, యువజన కాంగ్రెస్ (సంస్థాగత) ఎన్నికల్లో భారీ మెజారిటీతో గెలిచి నియోజకవర్గ అధ్యక్షులుగా ఎన్నికయ్యారు. ఈ విజయంతో పార్టీ శ్రేణుల్లో ఆయన స్థానం బలపడింది.

స్థానికంగా విజయ్ వివాదరహితుడిగా, సామ్యవాదిగా పేరు తెచ్చుకున్నారు. ప్రజా సమస్యల పరిష్కారంలో ముందుండడం, కార్యకర్తలకు అందుబాటులో ఉండడం ఆయనకున్న మరో ప్రత్యేకత. ఎమ్మెల్యే కడియం శ్రీహరి, ఎంపీ కడియం కావ్యకు సన్నిహితుడిగా ఉండటం ఆయన రాజకీయ ప్రయాణానికి మరింత బలం చేకూరుస్తోంది.

మొత్తం మీద, చిల్పూర్ మండల జడ్పీటీసీ పోటీ కాంగ్రెస్‌లో ఆసక్తికరంగా మారింది. తెలంగాణ ఉద్యమంలో చురుకైన పాత్ర పోషించిన యువనాయకుడు, యువజన కాంగ్రెస్ అధ్యక్షుడిగా విజయవంతంగా ఎదుగుతున్న ఇల్లందుల విజయ్ టికెట్ రేసులో ముందంజలో ఉన్నారని విశ్లేషకులు అభిప్రాయపడుతున్నారు.