ఉమ్మడి ఖమ్మం బ్యూరో చీఫ్ తెలంగాణ ముచ్చట్లు :
ఇటీవల మున్నేరు వరద తాకిడికి ఖమ్మం లోని పలు డివిజన్ల ప్రజలు తీవ్రంగా నష్టపోయారు. అందులో పలు పేద కుటుంబాలు సర్వం కోల్పోయి నిరాశ్రులయ్యారు. జిల్లా ఎంపీజే అధ్యక్షులు ఎస్.కె ఖాసిం తన బృందంతో వరద బాధిత ప్రాంతాలను సందర్శించారు. రాష్ట్ర ప్రభుత్వం వరద బాధితులకు ప్రకటించిన సహాయాన్ని వెంటనే విడుదల చేయాలని ప్రభుత్వాన్ని డిమాండ్ చేశారు. ఇస్లాంపేట రామన్నపేట వరద బాధిత ప్రాంతాలను సందర్శించి, అక్కడి ప్రజలకు ధైర్యం చెప్పి, దుప్పట్లను పంపిణీ చేశారు. ఈ కార్యక్రమంలో ఎంపీజే జిల్లా కోశాధికారి మొహమ్మద్ హకీం, కార్యదర్శి బొగ్గవరపు సతీష్, సభ్యులు అజీజ్, హుసేన్ మియా, అహ్మద్ తదితరులు పాల్గొన్నారు.
Comments