తార్నాక, సెప్టెంబర్ 25 (తెలంగాణ ముచ్చట్లు):
ఉస్మానియా యూనివర్సిటీ ఇంజనీరింగ్ కళాశాలలో బతుకమ్మ పండుగను ఘనంగా నిర్వహించారు. విద్యార్థులు, అధ్యాపకులు ఉత్సాహంగా బతుకమ్మ ఆటపాటల్లో పాల్గొన్నారు. పూలతో అలంకరించిన బతుకమ్మను మధ్యలో ఉంచి, బతుకమ్మ పాటలకు అనుగుణంగా నృత్యాలు ప్రదర్శించగా, వాతావరణం ఉల్లాసభరితంగా ఉండింది.
కళాశాల ప్రిన్సిపాల్ చంద్రశేఖర్, వైస్ ప్రిన్సిపాల్ మంగు నాయక్లు మాట్లాడుతూ, తెలంగాణ సంప్రదాయాలకు ప్రతీకగా నిలిచే బతుకమ్మ పండుగను విద్యార్థులు తెలుసుకోవడం చాలా ముఖ్యమని చెప్పారు. పూలను దైవంగా పూజించే ఈ పండుగ విద్యార్థులకు సంప్రదాయ విలువలను తెలుసుకునే అవకాశం కలిగించిందని వారు తెలిపారు.ఈ వేడుకలో కళాశాల సిబ్బంది, విద్యార్థులు కలిసి పాల్గొని సంస్కృతి పరిరక్షణలో తమ భాగాన్ని తీర్చుకున్నారు.
Comments