హుజురాబాద్ టౌన్ ఏప్రిల్ 18 ( తెలంగాణ ముచ్చట్లు):
మహిళలకు అధికారం దూరం చేసే విధంగా పార్లమెంట్లో మహిళా రిజర్వేషన్ బిల్లును కాంగ్రెస్ పార్టీ వ్యతిరేకించిందని ఆరోపిస్తూ హుజురాబాద్ పట్టణ, మండల బీజేపీ శాఖ ఆధ్వర్యంలో అంబేద్కర్ చౌరస్తాలో నిరసన కార్యక్రమం నిర్వహించారు.
ఈ కార్యక్రమానికి ముఖ్య అతిథిగా బీజేపీ జిల్లా అధ్యక్షులు గంగాడి కృష్ణారెడ్డి హాజరై మాట్లాడారు. మహిళలకు రాజకీయాల్లో తగిన ప్రాధాన్యం కల్పించాల్సిన అవసరం ఉందని, అందుకు వ్యతిరేకంగా వ్యవహరించిన కాంగ్రెస్ వైఖరిని ఖండించారు.
ఈ నిరసనలో బీజేపీ పట్టణ, మండల నాయకులు, ప్రజా ప్రతినిధులు మరియు కార్యకర్తలు పాల్గొని కాంగ్రెస్ పార్టీ విధానాలకు వ్యతిరేకంగా నినాదాలు చేశారు.
Comments