సత్తుపల్లి, అక్టోబర్ 18 (తెలంగాణ ముచ్చట్లు):
బీసీ రిజర్వేషన్ల పెంపు కోసం తెలంగాణ బీసీ సంఘాలు పిలుపునిచ్చిన రాష్ట్రవ్యాప్త బంద్కు బీఆర్ఎస్ పార్టీ ఘన మద్దతు తెలిపింది. శనివారం సత్తుపల్లి పట్టణంలో మాజీ మున్సిపల్ చైర్మన్ కూసంపూడి మహేష్ నేతృత్వంలో బీఆర్ఎస్ నాయకులు, కార్యకర్తలు పాల్గొని బీసీ హక్కుల కోసం నినాదాలు చేశారు.
ఈ సందర్భంగా కూసంపూడి మహేష్ మాట్లాడుతూ, బీసీలకు 42 శాతం రిజర్వేషన్లు కల్పించాలన్న డిమాండ్ న్యాయసమ్మతమని అన్నారు. బీసీలకు సరైన రిజర్వేషన్లు లభిస్తేనే సమాజ అభ్యున్నతి సాధ్యమవుతుందని పేర్కొన్నారు. రాష్ట్ర ప్రభుత్వం వెంటనే బీసీ రిజర్వేషన్ల పెంపు పై నిర్ణయం తీసుకోవాలని కోరారు.
బీసీ వర్గాల సమగ్ర అభివృద్ధి కోసం బీఆర్ఎస్ ఎల్లప్పుడూ అండగా ఉంటుందని ఆయన హామీ ఇచ్చారు.
Comments