కుషాయిగూడ, సెప్టెంబర్ 22 (తెలంగాణ ముచ్చట్లు)
ఉప్పల్ నియోజకవర్గం కాప్రా సర్కిల్ లో కాప్రా సాయి లీల ఎంక్లేవ్ కాలనీలో బతుకమ్మ వేడుకలు విశేషంగా జరిగాయి. ఈసారి కాలనీవాసుల మహిళలు మొదటి సారిగా ద్విముఖ బతుకమ్మను తయారు చేసి పండుగ జరుపుకోవడం ప్రత్యేక ఆకర్షణగా నిలిచింది.ఈ ద్విముఖ బతుకమ్మను ఆ కాలనీకి చెందిన ప్రఖ్యాత శిల్పి డాక్టర్ హోతి బసవరాజ్ ప్రత్యేక నైపుణ్యంతో రూపొందించారు. ఆయన ప్రతిభను అభినందిస్తూ కాలనీవాసులు ఘనంగా సత్కరించారు.వేడుకల్లో కాలనీ పెద్దలు, సొసైటీ ప్రతినిధులు ప్రెసిడెంట్ ఎం. ప్రభాకరన్, వైస్ ప్రెసిడెంట్ ఎం. విజయలక్ష్మి, జనరల్ సెక్రటరీ పి. విజయేంద్ర, జాయింట్ సెక్రటరీ బి. రుశెందర్, ట్రెజరర్ ఎం. మహంకాళి రావుతో పాటు టి. రామదాస్, శాంతి హరిరెడ్డి, మహమ్మద్ గౌరీ, ఎస్. నాగేశ్వరరావు, వివి రమణ, ఎస్.వి.వి. రెడ్డి తదితరులు పాల్గొన్నారు.బతుకమ్మ చుట్టూ ఆడిపాడిన కాలనీవాసులు, దేశ ప్రజలందరూ సుఖశాంతులతో సుభిక్షంగా ఉండాలని ప్రార్థించారు. ఈ ప్రత్యేక ద్విముఖ బతుకమ్మ కాలనీలోనే కాకుండా పరిసర ప్రాంతాల్లోనూ చర్చనీయాంశమైంది.
Comments