హుజూరాబాద్‌లో వాతావరణం మార్పు.. చిరుజల్లులతో ప్రజలకు ఉపశమనం.

హుజురాబాద్, జూన్ 4(తెలంగాణ ముచ్చట్లు ):

హుజూరాబాద్ పట్టణం మరియు పరిసర ప్రాంతాల్లో గురువారం వాతావరణం ఒక్కసారిగా మారి చిరుజల్లులు కురిశాయి. ఉదయం నుంచి మేఘావృతమైన ఆకాశంతో పాటు చల్లని గాలులు వీయడంతో ఎండ తీవ్రత నుంచి ప్రజలకు కొంత ఉపశమనం లభించింది. పలుచోట్ల స్వల్ప వర్షం కురవడంతో రహదారులు తడిసి ముద్దయ్యాయి.
ఇటీవల పెరిగిన ఉష్ణోగ్రతల కారణంగా ఇబ్బందులు ఎదుర్కొంటున్న ప్రజలు ఈ వర్షంతో ఊరట పొందారు. రైతులు కూడా వర్షాన్ని స్వాగతిస్తూ, వ్యవసాయ పనులకు అనుకూల పరిస్థితులు ఏర్పడతాయని ఆశాభావం వ్యక్తం చేస్తున్నారు. వాతావరణం చల్లబడటంతో ప్రజలు సంతోషం వ్యక్తం చేశారు. హుజూరాబాద్ ప్రాంతంలో మరికొన్ని గంటల పాటు మేఘావృత వాతావరణం కొనసాగనున్నట్లుస్థానికులు పేర్కొన్నారు. IMG-20260604-WA0054