ధర్మసాగర్,తెలంగాణ ముచ్చట్లు:
రాజ్యాంగ దినోత్సవాన్ని పురస్కరించుకుని, ధర్మసాగర్ మండలంలోని రాపాకపల్లి గ్రామంలో మాదిగ హక్కుల పరిరక్షణ సమితి ఆధ్వర్యంలో డా. బి.ఆర్. అంబేడ్కర్ విగ్రహానికి పూలమాలలు వేసి ఘనంగా వేడుకలు నిర్వహించారు.
ఈ సందర్భంగా సమితి వ్యవస్థాపక అధ్యక్షులు మైస ఉపేందర్ మాదిగ మాట్లాడుతూ, భారత రాజ్యాంగం దేశ ప్రజలకు పవిత్ర గ్రంథంగా నిలిచిందని అన్నారు. రాజ్యాంగం దేశానికి దిశానిర్దేశం చేస్తూ, మహిళల హక్కులు కల్పించడం వంటి అనేక చారిత్రాత్మక మార్పులకు దారితీసిందని కొనియాడారు. ప్రజలందరూ రాజ్యాంగ దినోత్సవాన్ని గౌరవంగా జరుపుకోవాలని పిలుపునిచ్చారు.
వేడుకలో అంబేడ్కర్ సంఘం అధ్యక్షులు కందుకూరు ప్రభాకర్, మాదిగ హక్కుల పరిరక్షణ సమితి రాష్ట్ర కార్యదర్శి కందుకూరి కిషన్, ఇతర నాయకులు కుమారస్వామి, రాజేంద్రప్రసాద్, బాబు తదితరులు పాల్గొన్నారు.
Comments