వేంసూరు, అక్టోబర్ 17 (తెలంగాణ ముచ్చట్లు):
రైతాంగ సమస్యలపై రైతులు సంఘటితంగా ముందుకు రావాలని తెలంగాణ రైతు సంఘం జిల్లా అధ్యక్షుడు మాదినేని రమేష్ పిలుపునిచ్చారు.
శుక్రవారం శంభునిగూడెం గ్రామంలో జరిగిన రైతు సంఘం మండల మహాసభలో మాట్లాడుతూ, పల్లెల్లో పార్టీలకు అతీతంగా రైతు సంఘం కమిటీలు ఏర్పాటు చేయాలని, పామాయిల్ రైతులకు ప్రభుత్వం న్యాయం చేయాలని కోరారు.
స్వామినాథన్ కమిటీ సిఫార్సులు అమలు చేయకపోవడం, ఆఫ్టైప్ మొక్కల వల్ల రైతులు నష్టపోతున్నారని ఆయన ఆవేదన వ్యక్తం చేశారు.
ఈ కార్యక్రమంలో శీలం సత్యనారాయణరెడ్డి, రావుల రాజబాబు, అర్వపల్లి గోపాలరావు, మోరంపూడి పాండురంగారావు, మల్లూరు చంద్రశేఖర్ తదితరులు పాల్గొన్నారు.
Comments