వనపర్తి జిల్లా ప్రతినిధి, తెలంగాణ ముచ్చట్లు:
వనపర్తి జిల్లా పెద్దమందడి మండల పరిధిలోని జగత్ పల్లి గ్రామంలో మేఘన్న అభయ హస్తం ద్వారా బాధిత కుటుంబాలకు ఆర్థిక సాయం అందజేశారు. గ్రామానికి చెందిన ముష్టి నాగమ్మ భర్త కండెన్న, ఏర్పుల నాగరాజు తండ్రి గట్టన్న మృతి చెందడం జరిగింది. ఈ విషయాన్ని కాంగ్రెస్ పార్టీ సీనియర్ నాయకులు గట్టు యాదవ్ ఎమ్మెల్యే మేఘారెడ్డి దృష్టికి తీసుకెళ్లగా, ఆయన వెంటనే స్పందించి, అంత్యక్రియలు ఖర్చుల నిమిత్తం, ఇరువురు కుటుంబ సభ్యులకు 10000/- పదివేల రూపాయలు కాంగ్రెస్ నాయకుల ద్వారా అందజేశారు.బాధిత కుటుంబాలకు కాంగ్రెస్ పార్టీ అండగా ఉంటుందని గట్టు యాదవ్ తెలిపారు.కార్యక్రమం లో కాంగ్రెస్ పార్టీ నాయకులు చంద్రయ్య, రాములు, చంద్రయ్య నాగన్న, నరసింహా, బాలస్వామి పార్టీ కార్యకర్తలు పాల్గొన్నారు.
Comments