పేద ప్రజల ఆరోగ్య భరోసా కోసం ముఖ్యమంత్రి సహాయనిధి ద్వారా ఆర్థిక సాయం అందజేశారు.

ఐనవోలు మండలం వెంకటాపూర్ గ్రామానికి చెందిన రుషగాని రాజేశ్వర్ రావుకు ₹2.5 లక్షలు, వేలేరు మండలం నోముల ప్రతాప్‌కు ₹2.5 లక్షలు, మొత్తం ₹5 లక్షల విలువైన ఎల్ఓసీలు మాజీ ఉప ముఖ్యమంత్రి, స్టేషన్ ఘనపూర్ ఎమ్మెల్యే కడియం శ్రీహరి కుటుంబ సభ్యులకు అందజేశారు.

అనారోగ్యంతో చికిత్సకు ఇబ్బందులు ఎదుర్కొంటున్న విషయం ఎమ్మెల్యే దృష్టికి రావడంతో వెంటనే స్పందించి సహాయం అందించారు. లబ్ధిదారులు కృతజ్ఞతలు తెలిపారు.

ఈ సందర్భంగా ఎమ్మెల్యే మాట్లాడుతూ కాంగ్రెస్ ప్రభుత్వం బడుగు, బలహీన వర్గాల సంక్షేమమే లక్ష్యమని, ఆరోగ్యశ్రీలో చేరని వ్యాధులకు ముఖ్యమంత్రి సహాయనిధి ద్వారా వైద్య సహాయం అందిస్తున్నట్లు తెలిపారు. రాష్ట్రవ్యాప్తంగా ఈ నిధి అనేక నిరుపేదల ప్రాణాలను కాపాడుతోందని అన్నారు.కార్యక్రమంలో స్థానిక ప్రజా ప్రతినిధులు, నాయకులు పాల్గొన్నారు.