ఎల్కతుర్తి. ఫిబ్రవరి 10( తెలంగాణ ముచ్చట్లు):
గోపాల్పూర్ గ్రామానికి చెందిన ఆదర్శ పురుషుల పొదుపు సంఘంలో రెగ్యులర్ మెంబర్గా కొనసాగుతూ ప్రమాదవశాత్తు మృతి చెందిన గండికోట లక్ష్మణ్ గారి నామిని కి సంఘం తరఫున రూ.2,00,000 (రెండు లక్షల రూపాయలు) ఆర్థిక సహాయం అందజేశారు.
ఈ సందర్భంగా సమితి అధ్యక్షులు రాజిరెడ్డి , సంఘ అధ్యక్షులు తాటికొండ అభిలాష్ చెక్కును కుటుంబ సభ్యులకు అందజేశారు. కార్యక్రమంలో సమితి గణకులు పున్నం చందర్ , సంఘ పాలకవర్గ సభ్యులు మరియు సంఘ గణకులు పాల్గొన్నారు.
సభ్యుల సంక్షేమమే లక్ష్యంగా ఆదర్శ పురుషుల పొదుపు సంఘం పనిచేస్తోందని, ఇలాంటి కష్టకాలంలో సభ్యుల కుటుంబాలకు అండగా నిలవడం సంఘ బాధ్యత అని నాయకులు తెలిపారు. గ్రామీణ ప్రాంతాల్లో పొదుపు సంఘాలు సామాజిక భద్రతకు దోహదపడుతున్నాయని వారు పేర్కొన్నారు.
Comments