సాఫ్ట్వేర్ సిటీ లో హార్డ్ లైఫ్....!
హైదరాబాద్ ఆకాశాన్ని తాకుతున్న టవర్స్ కింద,
డిగ్రీ సర్టిఫికెట్లు తలదాచుకున్నాయి అద్దె గదుల్లో.
కంపెనీ గేట్ల ముందు నిలబడి
యువత కాలాన్ని క్యూ లో పెట్టి
భవిష్యత్తు కోసం టోకెన్ తీసుకుంటున్నారు.
కాఫీ కప్పుల్లో కరిగిపోతున్న కలలు,
PDF ఫైళ్లలో బంధించబడిన ప్రతిభ,
ఇంటర్వ్యూ రిజెక్ట్ మెసేజ్
రోజూ ఒక కొత్త రాజకీయ హత్య.
ఈ నగరం ఉద్యోగాలు ఇవ్వదు,
ఆశను అమ్ముతుంది ఈఎంఐల్లో.
నిరుద్యోగం ఇక్కడ శాపం కాదు,
సిస్టమ్ నేర్పిన శిక్ష.
మా తల్లుల ప్రార్థనలు సిగ్నల్ లైట్ దగ్గర ఆగిపోతే,
మా జీవితాలు మెట్రో టైమ్టేబుల్ లో ఇరుక్కుంటాయి.
హైదరాబాద్ లో నిరుద్యోగి అంటే
ఒక మనిషి కాదు… ఒక నడిచే రిజ్యూమే.
✍️బసడ సంపత్ యాదవ్
Comments