భర్త వేధింపులు తాళలేక సాఫ్ట్‌వేర్ ఉద్యోగిని ఆత్మహత్య

హైదరాబాద్,తెలంగాణ ముచ్చట్లు: వరకట్న వేధింపులు తాళలేక సాఫ్ట్‌వేర్ ఉద్యోగిని ఆత్మహత్యకు పాల్పడిన ఘటన రాయదుర్గం పోలీస్ స్టేషన్ పరిధిలో జరిగింది.

ఆరు నెలల క్రితం గోవాలో దేవిక (35), సతీష్ వివాహం జరిగింది. రాయదుర్గంలోని ప్రశాంతి హిల్స్ లో నివసిస్తున్న వీరిద్దరూ సాఫ్ట్‌వేర్ ఉద్యోగులు. ఆదివారం అర్ధరాత్రి ఇంట్లో ఫ్యాన్‌కు ఉరివేసుకుని దేవిక మృతి చెందింది.

సోమవారం ఉదయం 10 గంటల సమయంలో దేవిక ఉరివేసుకున్నట్లు గుర్తించిన భర్త సతీష్, పోలీసులకు, కుటుంబ సభ్యులకు సమాచారం ఇచ్చాడు. భార్యాభర్తల మధ్య తరచూ గొడవలు జరిగేవని, భర్త వరకట్న వేధింపులే తన కూతురి మృతికి కారణమని దేవిక తల్లి రామలక్ష్మి పోలీసులకు ఫిర్యాదుచేసింది.