వేములవాడ,తెలంగాణ ముచ్చట్లు:
యూసుఫ్ అనే వ్యక్తి తనపై సోషల్ మీడియాలో అనుచిత పోస్టులు పెట్టారంటూ చేసిన ఫిర్యాదుపై ఎలాంటి విచారణ చేయకుండానే వేములవాడ టౌన్ సర్కిల్ ఇన్ స్పెక్టర్ చేసిన కేసు నమోదుపై సంపూర్ణ విచారణ జరిపి చర్యలు తీసుకోవాలని ఎన్ యుజెఐ జాతీయ ఉపాధ్యక్షులు నారగౌని పురుషోత్తం, తెలంగాణ స్టేట్ జర్నలిస్ట్ యూనియన్ (టీఎస్ జెయు) రాష్ట్ర ప్రధాన కార్యదర్శి తోకల అనిల్ కుమార్ నాయకత్వంలో సోమవారం రాజన్న సిరిసిల్ల జిల్లా ఎస్పీని కలిసి వినతి పత్రం సమర్పించారు. యూసుఫ్ ఫిర్యాదుతో టీఎస్ జెయు నాయకులు కొల్లూరి శ్రీనివాస్, బాలకృష్ణ, గున్నాల నరేష్, ఖమ్మం రమాకాంత్, కోలగాని చందు, దూస రాజేందర్ లపై కేసు నమోదు చేశారని వారు వివరించారు. అక్రమంగా నమోదు చేసిన కేసులను ఉపసంహరించుకోవాలని వారు డిమాండ్ చేశారు. యూసుఫ్ కక్షపూరితంగా వ్యవహరిస్తూ కేసులు నమోదు చేయిస్తూ భయభ్రాంతులకు గురిచేస్తున్నారని వివరించారు. ఈ మేరకు జిల్లా ఎస్ పి సానుకూలంగా స్పందించినట్టు వారు తెలిపారు. ఈ కార్యక్రమంలో జిల్లా టీఎస్ జెయు నాయకులు, పలువురు జర్నలిస్టులు పాల్గొన్నారు.
Comments