అశ్వారావుపేట, అక్టోబర్ 23 (తెలంగాణ ముచ్చట్లు):
అశ్వారావుపేట నియోజకవర్గం అభివృద్ధి దిశగా ఎమ్మెల్యే జారె ఆదినారాయణ ముందడుగు వేశారు. రాష్ట్ర పశుసంవర్ధక, డైరీ అభివృద్ధి, మత్స్య, క్రీడలు–యువజన సర్వీసుల శాఖల మరియు భద్రాద్రి కొత్తగూడెం జిల్లా ఇన్‌చార్జ్ మంత్రి వాకిటి శ్రీహరిని మంత్రి నివాసంలో మర్యాదపూర్వకంగా కలిసి, నియోజకవర్గానికి సంబంధించిన పలు అభివృద్ధి అంశాలపై చర్చించారు.
ఈ సందర్భంగా చండ్రుగొండ మండలంలో మినీ స్టేడియం ఏర్పాటు చేయడంతో పాటు, నియోజకవర్గంలోని శిథిలావస్థలో ఉన్న పశువైద్య ఆసుపత్రుల స్థానంలో నూతన భవనాలను మంజూరు చేయాలని ఎమ్మెల్యే వినతిపత్రం అందజేశారు.
నియోజకవర్గ ప్రజల అవసరాలు, స్థానిక పరిస్థితులను మంత్రి దృష్టికి తీసుకెళ్లి తక్షణ చర్యలు చేపట్టాలని అభ్యర్థించారు.
.jpeg)
Comments