శ్రీ గ్లోబల్ హైస్కూల్లో జాతీయ విద్యా దినోత్సవం....

ఖమ్మం బ్యూరో, నవంబర్ 11, తెలంగాణ ముచ్చట్లు;

చింతకాని మండలం నాగులవంచ గ్రామంలో ఉన్నటువంటి శ్రీ గ్లోబల్ హైస్కూల్లో మౌలానా అబుల్ కలాం ఆజాద్ 137 వ జయంతి సందర్భంగా జాతీయ విద్యా దినోత్సవం ను ఘనంగా నిర్వహించడం జరిగింది. ఈ సందర్భంగా పాఠశాల కరస్పాండెంట్ ఇనుకుల్ల దివాకర్ రెడ్డి మాట్లాడుతూ స్వాతంత్ర్యం వచ్చిన తర్వాత మొట్టమొదటి నెహ్రూ నాయకత్వంలోని క్యాబినెట్లో మౌలానా అబుల్ కలాం ఆజాద్ విద్యాశాఖ మంత్రిగా బాధ్యతలు స్వీకరించారని, ఆయన పుట్టినరోజు సందర్భంగా జాతీయ విద్య దినోత్సవం వేడుకలు నిర్వహిస్తారని వివరించడం జరిగింది. హిందీ, అరబిక్, బెంగాలీ, ఇంగ్లీష్ భాషలలో మౌలానా అబుల్ కలాం ఆజాద్ పండితుడని, 11 సంవత్సరాల పాటు విద్యా శాఖ మంత్రిగా పనిచేశారని, దేశంలోని అన్ని వర్గాల ప్రజలు చదువుకోవాలని ఆశయంతో కులమత బేధాలు లేకుండా పనిచేశారని అన్నారు. మౌలానా అబుల్ కలాం ఆజాద్ సేవలను గుర్తించిన భారత ప్రభుత్వం 1992లో భారతరత్న అవార్డు అందజేసి గౌరవించిందని వివరించడం జరిగింది. అదేవిధంగా విద్యార్థులందరూ ఆయనను ఆదర్శంగా తీసుకొని విద్యలో రాణిస్తూ సమాజ సేవ చేయాలని వివరించడం జరిగింది. ఈ కార్యక్రమంలో పాఠశాల మేనేజ్మెంట్ అయినటువంటి వాహిని, తిరుపతి రెడ్డి, సుధాకర్ రెడ్డి మరియు ఉపాధ్యాయుని ఉపాధ్యాయులు పాల్గొన్నారు.