వనపర్తి,సెప్టెంబర్(25తెలంగాణ ముచ్చట్లు):
వనపర్తి జిల్లా పోలీసు కార్యాలయంలో గురువారం జిల్లా ఎస్పీ రావుల గిరిధర్ పోలీసు పెట్రోల్ బంక్ ప్రచార గోడపత్రికను ఆవిష్కరించారు.
ఈ సందర్భంగా ఎస్పీ మాట్లాడుతూ, “పోలీసు శాఖ ఆధ్వర్యంలో ఏర్పాటు చేసిన పెట్రోల్ బంక్లో నాణ్యత, పరిమాణం ఎక్కడా తగ్గకుండా ఇంధనం 24 గంటలు అందుబాటులో ఉంటుంది. కల్తీ లేని పెట్రోల్, డీజిల్ వాడితే వాహనాల ఇంజిన్లు ఎక్కువకాలం సజావుగా నడుస్తాయి. అనవసర రిపేర్లు, ఖర్చులు తగ్గుతాయి. కాబట్టి ప్రజలు, రైతులు తప్పనిసరిగా పోలీసు పెట్రోల్ బంక్ను సద్వినియోగం చేసుకోవాలి” అని పేర్కొన్నారు.
ఈ కార్యక్రమంలో ఏఆర్ అదనపు ఎస్పీ వీరారెడ్డి, డిసిఆర్బి డీఎస్పీ ఉమామహేశ్వరరావు, స్పెషల్ బ్రాంచ్ సీఐ నరేష్, సిసిఎస్ సీఐ రవిపాల్, ఇన్స్పెక్టర్లు అప్పలనాయుడు, శ్రీనివాస్, పోలీస్ సిబ్బంది తదితరులు పాల్గొన్నారు.
Comments