భవిష్యత్ నాయకులుగా సత్తా చాటే నారాయణ విద్యార్థులు.

సత్తుపల్లి, నవంబర్ 1 (తెలంగాణ ముచ్చట్లు):

నారాయణ స్కూల్, సత్తుపల్లి శాఖలో 2025–26 విద్యా సంవత్సరానికి సంబంధించిన విద్యార్థి క్యాబినెట్ ఇన్స్టాలేషన్ కార్యక్రమం శుక్రవారం పాఠశాల ఆవరణలో ఉత్సాహభరితంగా, అట్టహాసంగా జరిగింది. విద్యార్థుల్లో నాయకత్వ లక్షణాలు, బాధ్యతా స్పృహ పెంపొందించాలనే లక్ష్యంతో ఈ వేడుకను పాఠశాల నిర్వహించింది.

ఈ కార్యక్రమానికి ప్రధాన అతిథిగా ఏజీఎం రాంకీ హాజరై విద్యార్థులను ఉత్సాహపరిచారు. నాయకత్వంలో నైతిక విలువల ప్రాధాన్యతను వివరించిన ఆయన, నాయకుడు అనేది కేవలం పదవి కాదు — కర్తవ్యబద్ధత, క్రమశిక్షణ, సేవా దృక్పథం సమ్మిళితం అని పేర్కొన్నారు. ప్రత్యేక అతిథిగా ఆర్‌ఎస్‌టీ లక్ష్మపతి పాల్గొని విద్యార్థులు ధైర్యంగా ముందుకు సాగి బాధ్యతలను నిబద్ధతతో నిర్వర్తించాలని పిలుపునిచ్చారు.

ఈ సందర్భంగా హెడ్ బాయ్, హెడ్ గర్ల్, డెప్యూటీ హెడ్స్, జూనియర్ హెడ్స్, క్లబ్ కెప్టెన్స్, హౌస్ ఇన్‌చార్జీలుకు బ్యాడ్జ్‌లు అందజేసి అధికారికంగా బాధ్యతలు అప్పగించారు. కొత్తగా నియమితులైన విద్యార్థి ప్రతినిధులు నిజాయితీగా, అంకితభావంతో తమ విధులు నిర్వర్తిస్తామని ప్రమాణం చేశారు.

కార్యక్రమంలో ఆర్‌ఐ క్రాంతి కుమార్, కోఆర్డినేటర్ ప్రవీణ్, వినోదలక్ష్మీ, నీలిమ, అకాడమిక్ డీన్ రవీంద్ర, వైస్ ప్రిన్సిపాల్స్ రమ్య, అనూష, సాఫ్ట్‌స్కిల్ ట్రైనర్ యశ్వంత్, ఏఓ జగదీష్, పీఈటీ గోపిరాజు, బోధనా సిబ్బంది, విద్యార్థులు, తల్లిదండ్రులు పాల్గొన్నారు.

ప్రిన్సిపాల్ రామ్ మూర్తి నూతన విద్యార్థి నేతలకు శుభాకాంక్షలు తెలుపుతూ, నాయకత్వం అనేది బాధ్యతతో కూడిన అవకాశం. మీరు క్రమశిక్షణతో ముందుకు సాగి ఇతరులకు ఆదర్శంగా నిలవాలి అని సూచించారు.

చివరగా విద్యార్థులు కృతజ్ఞతాభివందనం తెలిపారు. ఉత్సాహభరితమైన వాతావరణంలో కార్యక్రమం ముగిసింది.