18న తెలంగాణ బంద్‌కు ఎస్సీ, ఎస్టీ, బహుజన విద్యార్థి సంఘాల మద్దతు

నాచారం, అక్టోబర్ 16 (తెలంగాణ ముచ్చట్లు):

ఈనెల 18న జరగనున్న తెలంగాణ రాష్ట్ర బంద్‌ను విజయవంతం చేయాలని బీసీ సంక్షేమ సంఘం రాష్ట్ర కార్యదర్శి జాజుల లింగంగౌడ్ పిలుపునిచ్చారు. బీసీ రిజర్వేషన్ల సాధన కోసం చేపట్టిన ఈ బంద్‌కు ఎస్సీ, ఎస్టీ విద్యార్థి మరియు బహుజన సంఘాలు మద్దతు ప్రకటించాయి.ఉస్మానియా విశ్వవిద్యాలయం ఆర్ట్స్ కళాశాల ప్రాంగణంలో నిర్వహించిన సమావేశంలో వివిధ విద్యార్థి సంఘాల ప్రతినిధులు పాల్గొన్నారు. ఈ సందర్భంగా జాజుల లింగంగౌడ్ మాట్లాడుతూ, “బీసీల ఐక్యతను, చైతన్యాన్ని ప్రపంచానికి చాటిచెప్పే రోజు ఇది. బీసీలకు న్యాయం జరిగే వరకు మా పోరాటం ఆగదు,” అని అన్నారు.అతను మాట్లాడుతూ, కోర్టులను వేదికలుగా చేసుకొని అగ్రకులాలు బీసీల రిజర్వేషన్లను అడ్డుకోవడం దారుణమని విమర్శించారు. బీసీల ఆత్మాభిమానాన్ని దెబ్బతీయాలనే కుట్రలకు బుద్ధి చెప్పేలా ఉద్యమం చేయాల్సిన సమయం ఆసన్నమైందని పేర్కొన్నారు.ఈ కార్యక్రమంలో ఈరెంటి విజయ మాదిగ (ఎమ్మెస్ఎఫ్ రాష్ట్ర అధ్యక్షులు), గద్దల అంజిబాబు (ఓయూ జేఏసీ), నూకమల్ల వీరస్వామి (మాల విద్యార్థి సంఘం రాష్ట్ర అధ్యక్షులు), బూర శ్రీనివాస్ గౌడ్ (తెలంగాణ విద్యార్థి యువజన పరిషత్ రాష్ట్ర అధ్యక్షులు), నామ సైదులు, హంస (ఓయూ అధ్యక్షులు), జి. నర్సింహులు, డి. సంజీవ (ఎమ్మెస్ఎఫ్.టి రాష్ట్ర అధ్యక్షులు), ఓంకార్, సాయి, రవికిరణ్, బాలకృష్ణ, రవీందర్, రమేష్ నాయక్ తదితరులు పాల్గొన్నారు.